Një tjetër shqiptar në Serinë A, të paktën kështu raporton shtypi Italian.
Për mesfushorin e Brescias, Emanuele Ndoj ka shfaqur interesim Sassuolo, i cili e cilëson 20-vjeçarin si një alternativë për mesfushën.
Shqiptari i lindur në Catania është një produkt i akademisë së Romës, ku u shpall kampion i Italisë me ekipin e të rinjve sezonin e shkuar.
Gjatë afatit kalimtar të kësaj vere iu bashkua Brescias në Serinë B, ku ka luajtur shtatë ndeshje këtë sezon, pesë prej të cilave si titullar.
Emanuel Ndoj është pjesë e Kombëtares shqiptare U-19, pasi më herët ka veshur fanellën e U-17 kuqezi.
- Advertisement -
