Lideri i Lëvizjes Vetëvendosje, Albin Kurti shënoi fitore në zgjedhjet e djeshme qëndrore të cilat radhitën partinë e tij me vetëm pak vota më shumë sesa LDK-ja e Vjosa Osmanit.

Fitores së tij iu janë gëzuar shumë jo vetëm militantët e partisë së tij, por të gjithë ata që votuan për ndryshim në qeverisje, shkruan Reporteri.net

E gjëja më interesante ishte postimi i trajneri të Liverpoolit, Jurgen Klopp i cili ishte tejet i lumtur me fitoren e Vetëvendosjes.

“Wow, çfarë rrugëtimi! Respekt për këtë njeri!”, ka shkruar ai në Facebook.

Sidoqoftë, anipse gëzon një numër të madh të fansave që e përcjellin, megjithatë besohet se një kosovar qëndron prapa administrimit të kësaj faqeje.

Jurgen Klopp nuk posedon llogari zyrtare në Facebook, gjë që nënkupton se ky person përdorë emrin e trajnerit gjerman për përfitime personale.

Megjithatë, nuk mund të mohohet se ky postim ishte jashtëzakonisht qesharak./Reporteri.net/