Edhe 29 ushtarë mashtrues të Llapit (Dokument)

Edhe 29 ushtarë mashtrues të Llapit (Dokument) raporton GazetaExpress kësaj të shtune, 07 Mars 2015.
Listës së ushtarëve të rrejshëm të Ushtrisë Çlirimtare të Kosovës në Zonën Operative të Llapit, i janë shtuar edhe 29 emra të rinj.

Gazeta “Fjala” dhe portali “ Infokusi”, kanë raportuar më parë për 92 persona që asnjëherë nuk ishin në luftë e tani kanë fituar statusin e veteranit e invalidit. Këto lista janë përgatitur nga një grup ish- ushtarësh të kësaj zone, të cilët i kanë hyrë verifikimit të listave të publikuara tashmë.

Ky grup ushtarësh ditë më parë ka publikuar edhe emrat e 32 ushtarëve tjerë mashtrues.

Tani në këtë zonë dalin se 153 persona në Zonën Operative të Llapit, të cilëve komisioni qeveritar për verifikimin e veteranëve ua ka njohur statusin si veteran, invalid ose pjesëmarrës në luftë, e që asnjëherë nuk kanë prekur armë me dorë.

Për shumicën e tyre, ushtarët e pakënaqur posedojnë fakte se nuk kanë qenë madje as në Kosovë në kohën kur ka ekzistuar UÇK-ja.

- Advertisement -

MË TË FUNDIT