E konfirmon Raiola, thotë se është në bisedime me Juven për Pogban

Pogba mund të jetë duke luajtur sezonin e fundit në ‘Old Trafford’, Juve dhe Reali po insistojnë për mesfushorin francez.

Paul Pogba do t’i shikojë opsionet gjatë verës, thotë Mino Raiola, duke konfirmuar se mund të largohet nga Manchester United.

Mesfushori francez kërkohet me ngulm nga Real Madridi i Zinedine ZIdane dhe Juventusi i Sarrit.

Raiola ka dhënë sinjale se Pogba është duke e menduar largimin nga ‘Old Trafford’, pasi ka thënë se ka biseduar me drejtuesit e ‘Zonjës së Vjetër’ për një rikthim të mundshëm në Torino.

“Paul do të jap gjithmonë më të mirën deri në fund, dhe me pas do të shohim nëse do të qëndrojë apo jo”, u shpreh Raiola.

“Kam folur me Pavel Nedved dhe Juventusin për shumë gjëra, përfshirë Pogbën dhe lojtarë të tjerë”.

“Ju duhet të merrni informacion, të shihni se çfarë po ndodh, të hedhni disa hipoteza, të ëndërroni pak …”. /Gazeta Express/

- Advertisement -

MË TË FUNDIT