Drenas: Kandidatët po kërkojnë vota, nevojtari po kërkon ndihmë

Qytetin e Drenasit e kanë mbuluar reklamat, me kandidatët e partive politike për kryetar të Drenasit.

Aktualisht në Drenas është duke mbizotëruar klima e zgjedhjeve lokale dhe pothuajse çdo qytetarë i saj është duke biseduar rreth kandidatëve potencial të cilët synojnë të marrin epitetin e të parit të vendit.

Fushata zgjedhore është duke u përcjell me premtime nga më të ndryshme. Qytetarë janë duke shikuar plan programet e partive politike si dhe premtimet që po jepen nga kandidatët dhe partitë politike.

Mirëpo, nuk e kanë të gjithë hallin e zgjedhjeve, qytetari nga fotoja më lartë duke se ka një hall më madhor sesa zgjedhjet.

Ndonëse vendi se ku është vendosur ky nevojtar, në sheshin “Fehmi Lladrovci” është i mbuluar me reklama të kandidatëve, duket se ndihma e vetme të cilit po i vije këtij nevojtari është zemërgjerësia e kalimtarëve të rastit, të cilët po e ndihmojnë atë, me ato pak mundësi sa kanë. /Drenica Press/

 

- Advertisement -

MË TË FUNDIT