Djali i dëshmorit Beqir Rexhepi nga Qirezi, i tregon babait që u bë ushtar

Ridvan Rexhepi është djali i dëshmorit Beqir Rexhepi nga Qirezi i Skenderajt. I ati ishte ushtarë i UÇK-së gjatë luftës së fundit në Kosovë.

Beqir Rexhepi ra dëshmorë më 28 Shkurt 1998 në betejën e parë të Likoshanit e Qirezit, ku në këtë betejë u vranë 24 persona, 10 nga ta anëtarë të familjes Ahmeti.

Sikurse baba edhe i biri Ridvani ka ndjekur udhën e tij për tu bërë ushtarë i Kosovës dhe për t’i shërbyer vendit.

Ai pasi është graduar në ceremoninë e kadetëve të FSK-së dje menjëherë ka shkuar tek varri i babës Beqir për t’i treguar atij se edhe ky po e vazhdon rrugën e tij si ushtarë i këtij vendi dhe për t’u betuar para varrit të babës se do t’i shërbej Kosovës ashtu sikurse ai dhe se do t’i dal zot Kosovës.

Ridvani, meritat për edukimin e tij Kombëtar ja dedikon Gjyshit të tij Brahim Rexhepi./gazetarilindja.com/

 

- Advertisement -

MË TË FUNDIT