DEMAKU MOHON RRAHJEN NË ODËN E TIJ: PDK NUK MBAN FUSHATË NË SHTËPINË TIME

Ish-kryetari i Komunës së Drenasit, Nexhat Demaku, i cili dha dorëheqje nga ky post, pasi Gjykata e Apelit konfirmoi dënimin e Gjykatës Themelore për krime lufte, ka mohuar lajmet se në shtëpinë e tij, ka ndodhur një përleshje fizike.

Demaku ka mohuar këto informacione duke folur për Insajderin.

Madje sipas Demakut, në shtëpinë e tij, nuk po mbahet e as që do të mbahet ndonjë tubim parazgjedhor i PDK-së.

“Në shtëpinë time PDK-ja nuk ka mbajtur ndonjë tubim e kështu që nuk ka pasur si të ndodhë ndonjë përleshje”, ka thënë Demaku për Insajderin.

Ai nuk ka pranuar të komentoj fushatën për zgjedhjen e kryetarit në Drenas. Ka sqaruar se ka marrë pjesë deri më tani vetëm në dy tubime parazgjedhore në fshatin e tij.

Demaku megjithatë ka shprehur sigurinë që PDK-ja do të fitoj bindshëm në Drenas./Insajderi.com

- Advertisement -

MË TË FUNDIT