Condoleezza Rice pjesë e dialogut Kosovë-Serbi?

Ish-sekretarja amerikane e Shtetit, Condoleezza Rice mund të jetë përfaqësuesja e Shtëpisë së Bardhë nëse i lejohet Uashingtonit të bëhet pjesë e dialogut midis Beogradit e Prishtinës, në Bruksel.

Kjo është raportuar nga media ruse Sputnjik, ku thotë se SHBA nuk synon vetëm përfshirjen në këtë dialog, por edhe të emërojë një dërguar special për Ballkan, transmeton lajmi.net.

Kjo medie thotë, se Amerika synon të bëjë një monitorim në Ballkan dhe të mos lejojë Rusinë t’i fus duart në Kosovë dhe në Bosnje apo ndonjë vend tjetër në Ballkanin Perëndimor.

Më pas raportohet se SHBA mund të mos ketë ndërhyrje të drejtpërdrejt në dialogun mes Kosovës dhe Serbisë, por atë do ta bëjë në mënyrë indirekte.

Tutje përmenden edhe vizitat e shumta të senatorëve amerikan, rreth 100 senatorë e kongresistë amerikanë kanë vizituar Ballkanin, që janë dyfish më shumë se në fillim të viteve të ’90-ta të shekullit të kaluar.

Ditë më parë edhe analisti amerikan Daniel Serwer, i ka dërguar rekomandime Donald Trumpit se duhet të reagojë sa më shpejt në Ballkan. /Lajmi.net/