Gazetari i Kohës Ditore në Drenas ka treguar se Policia e Kosovës, në këto çaste e ka bllokuar rrugën që të shpie te selia e PDK-së.
Para kësaj, simpatizantët e kësaj partie kishin nisur festat, duke parakaluar me flamuj e vetura.
Koha.net ka raportuar më parë se te selia e Partisë Demokratike të Kosovës në Drenas kanë nisur të mblidhen simpatizantë dhe struktura partiakë. Në seli janë deputeti Shaip Muja e kryetari i Klinës, Sokol Bashota.
Zyrtarët lokalë të partisë kanë llojlloj pritjesh nga këto zgjedhje.
Disa po i druajnë balotazhit, e të tjerë po theksojnë se presin deri në 60 për qind mbështetje, për kandidatin e tyre Ramiz Lladrovci.
Për kryetar të Drenasit votuan 21.318 qytetarë.
- Advertisement -
