Beton “kanalit të kuçedrës”, tërmeti hap tokën në Hamallaj, u bllokua rryma

Një nga zonat më sizmike është edhe ajo e kanalit të kuçedrës dhe sipas banorëve të zonës sot ky kanal është mbushur me inerte.

Zona është e njohur për lëkundjet e tërmetit. Ndërsa shkencëtarët shprehen se pikërisht në këtë zonë ishte krijuar një kanal përmes të cilit çlirohej energji.

Ndaj dhe është krijuar legjenda e kuçedrës. Edhe pse fenomeni është i njohur në vite asnjë institucion nuk ka kryer detyrën për ta ruajtur.

Mbi kanal është hedhur beton, duke e bllokuar totalisht pa marrë asnjë garanci për rrezikun që mbart.

Ky kanal shkarkon ujërat e kënetës në det dhe sipas gojëdhënave, por edhe banorëve të zonës, ekziston prej tre shekujsh.

“Kuçedrën e paskan marrë me e hedh nga shkëmbinjtë por nuk paskan arritur ta çojnë deri atje dhe u ka rënë poshtë. Këta pastaj e kanë sulmuar. Vija e kulçedrës është mbushur me beton.”

Megjithë inertet, sërish shihen me lehtësi gropat e krijuara rishtaz nga efekti natyror.

Pak më tej konstatohen të tjera gropa të cilat nxjerrin ujë. Banorët në Hamallaj tregojnë se janë hapur natën e 26 nëntorit.

Si pasoje e fuqisë së termetit sipas tyre toka është bërë shumë e butë dhe kurrë më parë nuk ka qenë në këtë gjendje.

“Toka ka marrë lëkundje, nuk ka qenë kështu asnjëherë.”

Të shokuar nga ajo që ndodhi më 26 nëntor ata janë interesuar me njëri-tjetrin dhe mendojnë se shkaku kryesor është mbyllja e gropës së kuçedrës.

“Kur kemi dalë përjashta ka qenë një oshëtimë e jashtëzakonshme. Kur lexova e pashë që pasojat janë të kuçedrës që është mbullur atje dhe kërkon toka të shfryjë.”

Kanali i kuçedrës ndodhet në mes të Gjirit të Lalzit në distancë të barabartë nga Kepi i Rodonit.

Më herët ish-kryeministri Sali Berisha, ka denoncuar se gropa gjigante e quajtur si gropa e kuçedrës është mbyllur si pasojë e ndërtimeve, duke publikuar edhe pamje nga shkarkimi i energjisë në 26 nëntor.

- Advertisement -

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

MË TË FUNDIT