Bayerni me mungesa edhe në Champions

Nuk kanë të ndalur problemet me lëndime për futbollistët e Bayern Munichut.

Sikurse të mos mjaftonte forma e dobët që po kalon skuadra bavareze në xhirot e fundit, ku u konfirmua edhe me disfatën nga Borussia Dortmundi në Bundesligë, janë lëndimet ato që preokupojnë më shumë trajnerin Carlo Ancelotti.

Për ndeshjen e nesërme ndaj Rostovit në Ligën e Kampionëve, kampionët e Gjermanisë nuk do të mund të llogarisin në disa futbollistë, të cilët kanë probleme fizike.

Portieri, Manuel Neuer, Kinglsey Coman, Arjen Robben dhe Arturo Vidal nuk kanë udhëtuar fare me skuadrën drejt Rusisë pasi që të gjithë kanë lëndime.

Bayerni ka siguruar kualifikimin në 1/8 e finales së Ligës së Kampionëve, por është në garë për vendin e parë me Atletico Madridin, i cili ka tre pikë më shumë se bavarezët, kur kanë mbetur edhe dy ndeshje deri në mbyllje të fazës së grupeve.

- Advertisement -

MË TË FUNDIT