Albin Kurti, sot ka marrë detyrën e kryeministrit të Kosovës, por aktiviteti i tij politik ishte i gjatë, dhe më së shumti mbahet në mend, me parullën e tij, “Jo Negociata Vetëvendosje”.
E bashkë me Kurtin në aktivizmin e tij politik ishin shumë njerëz që më nuk janë aty. Njëri prej tyre është edhe analisti i njohur kosovar, i cili kishte qenë pjesë e Vetëvendosjes në fillimet e saj si organizatë politike.
Arben Ahmetin, sot e dëgjojmë të jetë shpesh kritik ndaj Kurtit, por një kohë, ai ishte rreshtuar përkrah tij, edhe duke protestuar në rrugë.
Ndoshta pak kush e ka ditur këtë fakt, por është kolegu i tij në RTV Dukagjini, Fidan Rama, që e ka publikuar në profilin e tij në Facebook, një foto të Ahmetit gjatë një aktiviteti të para shumë viteve të Vetëvendosjes, ku shihet edhe ai në protestë.
