“AKR, indiferente ndaj sulmeve të atyre që partinë e kanë shfrytëzuar si trampolinë”

Aleanca Kosova e Re tashmë ka nisur riogranizmin e brendshëm. E në kuadër të këtij riorganizmi AKR është duke zhvilluar me shumë sukses procesin e zgjedhjeve të brendshme partiake.

“Në këtë proces, janë duke u angazhuar njerëz të dëshmuar, profesionistë, të sinqertë dhe të përkushtuar për të kontribuar për zhvillimin ekonomik të vendit.
AKR suksesshëm është duke u riorganizuar nëpër të gjitha qytetet dhe fshatrat e Kosovës. AKR është e vetëdijshme për zhgënjimin e madh të qytetarëve në lidershipin politik dhe institucional të vendit, andaj është e përkushtuar që të prezantojë fuqishëm alternativën për zhvillimin ekonomik të vendit”, thuhet në njoftimin për media.

Më tej në njoftim theksohet se AKR qëndron indiferente ndaj deklaratave dhe sulmeve të disa individëve që partinë e kanë shfrytëzuar si trampolinë për përfitime personale dhe jo si mundësi për ti shërbyer interesit të qytetarit të vendit.

“AKR fuqishëm po kthehet dhe do te jetë gjithmonë në krah të qytetarëve duke ofruar perspektivë zhvillimore dhe mundësi për përmirësimin e standardit jetësor, pa pretendime të përfitimeve personale dhe talljeve me qytetarët siç është bërë përditshmëri e disa individëve që tërë jetën nuk kanë krijuar asgjë pos shfrytëzimit të situatave për arsye përfitimesh personale”, thuhet në fund të njoftimit.

- Advertisement -

MË TË FUNDIT