Aleanca për Ardhmërinë e Kosovës ka filluar iniciativën për mbledhjen e nënshkrimeve të deputetëve për ndryshimin e Ligjit të veteranëve, pasi që sipas tyre ligji aktual nuk mbron të drejtat e të gjithë atyre që kanë kontribuar në luftën e fundit në Kosovë.

Këtë e bëri të ditur deputeti Rrustem Berisha. Ai kërkoi nga deputetët që të nënshkruhet ky peticion në mënyrë që kategoritë e dala nga lufta të kenë trajtimin e merituar.