9 viktima nga Covid-19 në dy ditët e fundit – Haziri: Qytetarë të dashur kujdesuni për vete sepse Qeveria Koti nuk e ka dert jetën tuaj

Deputeti i Lëvizjes Vetëvendosje, Fitim Haziri, ka reaguar pas rasteve të shumta të vdekjeve nga koronavirusi në Kosovë.

Në një shkrim të tij në Facebook, Haziri thotë se për dy ditë humbën jetë  nëntë persona, teksa rezultuan mbi 200 të infektuar.

Ai kërkon nga qytetarët ta ruajnë shëndetin e tyre, duke shtuar se “qeveria koti nuk po brengoset për një gjë të tillë.

Shkrimi i plotë nga deputeti Haziri:

Nëntë persona ndërruan jetë në dy ditët e fundit dhe mbi 200 të infektuar. 1/3 e të testuarve po dalin pozitiv me Covid-19. Po të ishte mundësia dhe kapaciteti i testimeve më i madh, numri i të infektuarve me siguri do ishte shumë më i lartë.

Andaj qytetarë të dashur, jeta e njeriut është para çdo gjëje. Pasurinë e botës po ta posedosh, nëse nuk e ke shëndetin asgjë nuk ka vlerë, po jeta?! Andaj të kemi kujdes të ruajmë vetën dhe familjet tona.

Të marrim masa në parandalimin e kësaj pandemia. Siç po shihet kjo qeveri Koti nuk e ka dert jetën dhe shëndetin tonë. Pasi që kjo “qeveri” se ka as dijen e as guximin të marrë masa në dobi të qytetarëve, ta ruajmë vetën dhe njëri-tjetrin.

- Advertisement -

MË TË FUNDIT