9 të vdekur, 48 të shëruar dhe 90 raste të reja me COVID-19 në Maqedoninë e Veriut

Ministria e Shëndetësisë e Maqedonisë së Veriut informon se në 24 orët e fundit janë bërë 665 testime për coronavirus, ndërsa 90 raste kanë rezultuar pozitivë.

Prej tyre 36 janë nga Shkupi, 2 nga Kumanova, 4 nga Tetova, 8 nga Shtipi, 2 nga Velesi, 2 nga Manastiri, 13 nga Ohri, 1 nga Gostivari, 1 nga Krusheva, 2 nga Koçani, 1 nga Probishtipi, 2 nga Shën Nikolla dhe 6 nga Resnja.

MSH informon se janë regjistruar edhe 9 viktima, prej të cilëve 5 nga Shkupi, 2 nga Tetova, 1 nga Ohri dhe 1 nga Gostivari.

Ndërsa Instituti për Shëndet Publik ka regjistruar 48 pacientë të shëruar. Prej të cilëve 9 janë nga Shkupi, 30 nga Shtipi, 1 nga Tetova, 4 nga Gostivari, 1 nga Velesi, 1 nga Strumica, 1 nga Koçani dhe 1 nga Probishtipi.

Me rastet e sotme numri i përgjithshëm i të infektuarve shkon në 5196, prej të cilëve 1974 janë shëruar, ndërsa 247 kanë vdekur. /Reporteri.net/

- Advertisement -

MË TË FUNDIT